Coventry University Kazakhstan студенттері 15–16 қараша күндері Астанада өткен жыл сайынғы студенттікшығармашылық және спорттық фестиваль — Jastar Jalyny 2025 аясында жоғары нәтижелер көрсетті.

Фестивальге елордадағы 17 жоғары оқу орнының студенттері қатысып, бағдарлама 10 конкурс бағытын қамтыды. Coventry University Kazakhstan командасы 7 санат бойынша бақ сынады. Атап айтқанда: эстрадалық вокал, футбол, заманауи би, шахмат, волейбол, театр қойылымы және мобилография.

Нәтижесінде университет студенттері шахмат, футбол және театр өнері бойынша үшінші орындарға ие болды. Бұл ретте шахмат клубының жүлделі орны — клуб тарихындағы университет деңгейіндегі алғашқы жетістікболып табылады.

Аталған нәтижелер Coventry University Kazakhstan-та студенттердің жан-жақты дамуына, шығармашылық пен спортты қолдауға бағытталған белсенді университеттік ортаны айқын көрсетеді.