Біздің командаға қосылыңыз

Лауазымның мақсаты

Coventry University Kazakhstan университетіндегі инженерлік жүйелерді пайдалану және еңбек қауіпсіздігі, еңбекті қорғау және қоршаған ортаны қорғау жөніндегі маман университеттің инженерлік жүйелерінің сенімді әрі тиімді жұмыс істеуін, техникалық қызмет көрсетілуін және қауіпсіздігін қамтамасыз етеді. Бұл жүйелерге жылыту, желдету және ауаны баптау (HVAC), сумен жабдықтау, электрмен жабдықтау және өрт қауіпсіздігі жүйелері кіреді. Сонымен қатар маман еңбек қауіпсіздігі, еңбекті қорғау және қоршаған ортаны қорғау салаларындағы заңнама мен нормативтік талаптардың сақталуын қамтамасыз етеді.

Бұл лауазым кампус инфрақұрылымының сақталуын қамтамасыз етуде және университет қызметкерлері, студенттері мен келушілері үшін қауіпсіз, қорғалған әрі экологиялық тұрғыдан тұрақты орта қалыптастыруда маңызды рөл атқарады.

Негізгі міндеттері мен лауазымдық функциялары

1. Инженерлік жүйелерді пайдалану және техникалық қызмет көрсету

• Электр жүйелерін, жылыту, желдету және ауаны баптау (HVAC), сумен жабдықтау және өрт сөндіру жүйелерін қоса алғанда, инженерлік инфрақұрылымның жұмысын бақылау, пайдалану және техникалық қызмет көрсету.
• Инженерлік жүйелердің сенімділігі мен тиімділігін қамтамасыз ету мақсатында профилактикалық техникалық қызмет көрсету жұмыстарын жоспарлау және ұйымдастыру.
• Университет жұмысының үзілуін барынша азайту мақсатында инженерлік жүйелердегі ақаулар мен техникалық іркілістерге жедел әрекет ету.
• Күрделі инженерлік жабдықтарға техникалық қызмет көрсету және жөндеу жұмыстарын жүргізу кезінде қызмет көрсетуші ұйымдармен және мердігерлермен жұмысты үйлестіру.
• Тексерулер, техникалық қызмет көрсету жұмыстары және инженерлік жүйелердің жұмыс көрсеткіштері туралы толық құжаттаманы жүргізу.
• Жабдықтардың пайдалану қарқындылығын, тозу дәрежесін және техникалық тұрғыдан ескіруін ескере отырып, инженерлік жүйелерді жаңғырту жоспарларын әзірлеуге қатысу.

2. Еңбек қауіпсіздігі, еңбекті қорғау және қоршаған ортаны қорғау (HSE)

• Университетте еңбек қауіпсіздігі, еңбекті қорғау және қоршаған ортаны қорғау саласындағы саясаттардың, қағидалар мен рәсімдердің іске асырылуын және сақталуын бақылау.
• Қауіпсіздік бойынша тұрақты тексерулер, кәсіптік тәуекелдерді бағалау және экологиялық аудиттер жүргізу.
• Қазақстан Республикасының заңнамасы мен еңбек қауіпсіздігі және еңбекті қорғау саласындағы халықаралық озық тәжірибелердің талаптарының сақталуын қамтамасыз ету.
• Жазатайым оқиғалар мен инциденттерді, сондай-ақ ықтимал қауіпті жағдайларды тергеп-тексеру, егжей-тегжейлі есептер мен түзету шараларының жоспарларын дайындау.
• Тұрақты оқыту іс-шараларын, төтенше жағдайлар кезіндегі әрекет ету жаттығуларын және ақпараттық-түсіндіру науқандарын ұйымдастыру арқылы қауіпсіздік мәдениетін қалыптастыру.
• Қауіпті материалдармен жұмыс істеуді бақылау, олардың қауіпсіз сақталуын және кәдеге жаратылуын қамтамасыз ету.
• Қажет болған жағдайда қауіпсіздік хаттамаларын енгізуді ұйымдастыру және тиісті нұсқамалар мен оқытуды өткізу.

3. Нормативтік талаптар және заңнаманың сақталуы

• Мемлекеттік органдармен тексерулер жүргізу және қажетті рұқсат құжаттары мен сәйкестікті растайтын құжаттарды алу мәселелері бойынша өзара іс-қимыл жасау. Бұған өрт қауіпсіздігі, санитариялық талаптар және энергия тиімділігі салалары кіреді.
• Уәкілетті мемлекеттік органдарға есептер мен құжаттаманың уақтылы дайындалуын және ұсынылуын қамтамасыз ету.
• Қауіпсіздік, қоршаған ортаны қорғау және инженерлік жүйелерді пайдалану салаларындағы заңнама мен нормативтік талаптарға енгізілген өзгерістерді бақылау.

4. Ресурстар мен инфрақұрылымды басқару

• Университеттің академиялық және әкімшілік бөлімшелері арасында үй-жайларды жоспарлау мен бөлуді ұйымдастыру.
• Қажетті жабдықтармен қамтамасыз етуді, инженерлік жүйелер мен коммуналдық қызметтердің жұмысын қоса алғанда, университеттік іс-шараларға логистикалық және техникалық қолдау көрсету.

5. Төтенше жағдайларға дайындық

• Университеттегі төтенше жағдайларға ден қою рәсімдері мен эвакуациялау жоспарларын әзірлеу, жаңарту және олардың өзектілігін қамтамасыз ету.
• Өрт, табиғи апаттар немесе техникалық авариялар кезінде дайындықты қамтамасыз ету үшін кампустың қауіпсіздік қызметімен және инфрақұрылымды пайдалану жөніндегі командамен іс-қимылды үйлестіру.
• Генераторларды, өрт дабылы жүйелерін және өрт сөндіргіштерді қоса алғанда, авариялық жүйелер мен жабдықтарды тұрақты түрде тексеру және техникалық қызмет көрсету.

6. Тұрақты даму және энергия тиімділігі

• Энергия тұтынуды бақылау және энергия тиімділігін арттыру мүмкіндіктерін анықтау арқылы университеттің тұрақты даму бастамаларын қолдау.
• Университеттің инженерлік жүйелерін пайдалану және инфрақұрылымын басқару салаларында экологиялық тұрғыдан тұрақты тәжірибелерді енгізу және тиісті ұсынымдар әзірлеу.

Жұмыс орны: Астана, Қазақстан
Жұмыс түрі: Толық жұмыс күні
Шарт түрі: Мерзімді еңбек шарты / келісімшарт

Лауазым туралы

Компьютерлік ғылымдар пәнінің оқытушысы / аға оқытушысы Компьютерлік ғылымдар факультетінде өзінің кәсіби мамандану саласы бойынша жоғары сапалы білім беруді қамтамасыз етеді. Бұл лауазым Foundation және бакалавриат бағдарламалары аясында заманауи әрі инновациялық оқыту әдістерін қолдану арқылы студенттердің қызығушылығын арттыруды және олардың ынтасын қолдауды, академиялық қолдау мен тәлімгерлік көрсетуді, оқу бағдарламаларын әзірлеуге қатысуды, әкімшілік міндеттерді орындауды және сыртқы аудиториялармен өзара іс-қимыл жасауға бағытталған іс-шараларға қатысуды қамтиды.

Үміткер студенттердің білім алуына қолайлы, ынталандыратын және қолдау көрсететін оқу ортасын қалыптастыра білуі, сондай-ақ төмендегі бағыттардың біреуі немесе бірнешеуі бойынша сабақ бере алуы тиіс: «Компьютерлік ғылымдар», «Жасанды интеллект бағыты бар компьютерлік ғылымдар», «Ақпараттық технологияларды басқару» немесе «Интерактивті медиа және веб-технологиялар».

Оқытушы / аға оқытушы университеттің академиялық курстарының жоғары сапа стандарттарына сай болуын, сондай-ақ университеттің миссиясына, құндылықтары мен стратегиялық мақсаттарына сәйкес келуін қамтамасыз етеді.

Негізгі міндеттері

• Әртүрлі тілдік деңгейі мен тәжірибесі бар студенттерге қызықты әрі тиімді сабақтар өткізу.
• Coventry University (Ұлыбритания) әзірлеген оқу ресурстарын, оқу-тақырыптық жоспарларды және бағалау материалдарын пайдалану, оларды барлық студенттердің білім алу қажеттіліктеріне сәйкес бейімдеу арқылы оқытудың жоғары сапасын қамтамасыз ету.
• Студенттердің академиялық үлгерімі мен пән бойынша білім деңгейін анықтау мақсатында бағалау жұмыстарын жүргізу.
• Курстық жұмыстар мен емтихан тапсырмаларын әзірлеу, студенттердің жұмыстарын тексеру және бағалау, сондай-ақ оларға уақтылы әрі сындарлы кері байланыс беру.
• Жоғары сапалы оқу бағдарламаларын әзірлеуге, жоспарлауға және іске асыруға қатысу. Курстар мазмұнының өзектілігін және халықаралық әрі мәдениетаралық тәжірибенің қамтылуын қамтамасыз ету.
• Жеке академиялық тәлімгерлік, белгіленген консультация сағаттары, электрондық пошта және жеке кездесулер арқылы студенттерге академиялық қолдау көрсету және кеңес беру. Бакалавриат және магистратура студенттерінің жобалары мен диссертациялық зерттеулеріне жетекшілік ету.
• Өзінің мамандану саласы бойынша бірегей ғылыми зерттеулер жүргізу. Зерттеу нәтижелерін беделді ғылыми журналдарда жариялау және ғылыми конференцияларда таныстыру.
• Университеттің саясаты мен рәсімдерінің сақталуын қамтамасыз ету. Оқу модульдерін бағалау және студенттердің пікірлерін талдау сияқты білім сапасын қамтамасыз ету үдерістеріне қатысу.
• Өзінің мамандану саласындағы соңғы жаңалықтарды, үрдістерді және ғылыми зерттеулердің нәтижелерін тұрақты түрде қадағалау.

Біліктілігі мен жұмыс тәжірибесіне қойылатын талаптар

• Тиісті академиялық бағыт бойынша магистр дәрежесінің немесе оған теңестірілген біліктіліктің болуы. Ұлыбритания университетінде алған біліктілікке басымдық беріледі.
• Докторлық дәреженің (PhD) болуы. Ұлыбритания университетінде алған дәрежеге басымдық беріледі.
• Ұлыбританияда тиісті пәндік бағыт бойынша бакалавриат және/немесе магистратура деңгейінде кемінде екі жылдық расталған оқытушылық тәжірибенің болуы.
• Қызықты әрі тиімді дәрістер, семинарлар және практикалық сабақтар өткізе білу. Инновациялық оқыту әдістері мен оқу материалдарын әзірлеу және қолдану дағдыларының болуы.
• Бірегей ғылыми зерттеулерді әзірлеу және жүргізу, деректерді талдау, зерттеу нәтижелерін жариялау қабілеттерін қамтитын жоғары деңгейдегі зерттеу дағдылары.
• Оқыту мен білім алу сапасын арттыруға ықпал ететін ғылыми-зерттеу және академиялық қызметке қатысу.
• Ауызша және жазбаша коммуникация дағдыларының жоғары деңгейде болуы, күрделі ақпаратты студенттер мен әріптестерге түсінікті әрі тиімді жеткізе білу.

Жұмыс орны: Астана / Алматы, Қазақстан
Жұмыс түрі: Толық жұмыс күні
Шарт түрі: Мерзімді еңбек шарты / келісімшарт

Лауазым туралы

Бизнес бағыты бойынша оқытушы / аға оқытушы Бизнес факультетінде өзінің кәсіби мамандану саласы бойынша жоғары сапалы білім беруді қамтамасыз етеді. Бұл лауазым Foundation және бакалавриат бағдарламалары аясында инновациялық оқыту әдістерін қолдану арқылы студенттердің қызығушылығын арттыруды және олардың ынтасын қолдауды, академиялық қолдау мен тәлімгерлік көрсетуді, оқу бағдарламаларын әзірлеуге қатысуды, әкімшілік міндеттерді орындауды және сыртқы аудиториялармен өзара іс-қимыл жасауға бағытталған іс-шараларға қатысуды қамтиды.

Үміткер студенттердің білім алуына қолайлы, ынталандыратын және қолдау көрсететін оқу ортасын қалыптастыра білуі, сондай-ақ төмендегі пәндердің біреуі немесе бірнешеуі бойынша сабақ бере алуы тиіс: «Халықаралық бизнес және менеджмент», «Бизнесті әкімшілендіру», «Жарнама және цифрлық маркетинг» немесе «Бизнес және маркетинг».

Оқытушы / аға оқытушы университеттің академиялық курстарының жоғары сапа стандарттарына сай болуын, сондай-ақ университеттің миссиясына, құндылықтары мен стратегиялық мақсаттарына сәйкес келуін қамтамасыз етеді.

Негізгі міндеттері

• Әртүрлі тілдік деңгейі мен тәжірибесі бар студенттерге қызықты әрі тиімді сабақтар өткізу.
• Coventry University (Ұлыбритания) әзірлеген оқу ресурстарын, оқу-тақырыптық жоспарларды және бағалау материалдарын пайдалану, оларды барлық студенттердің білім алу қажеттіліктеріне сәйкес бейімдеу арқылы оқытудың жоғары сапасын қамтамасыз ету.
• Студенттердің академиялық үлгерімі мен пән бойынша білім деңгейін анықтау мақсатында бағалау жұмыстарын жүргізу.
• Курстық жұмыстар мен емтихан тапсырмаларын әзірлеу, студенттердің жұмыстарын тексеру және бағалау, сондай-ақ оларға уақтылы әрі сындарлы кері байланыс беру.
• Жоғары сапалы оқу бағдарламаларын әзірлеуге, жоспарлауға және іске асыруға қатысу. Курстар мазмұнының өзектілігін және халықаралық әрі мәдениетаралық тәжірибенің қамтылуын қамтамасыз ету.
• Жеке академиялық тәлімгерлік, белгіленген консультация сағаттары, электрондық пошта және жеке кездесулер арқылы студенттерге академиялық қолдау көрсету және кеңес беру. Бакалавриат және магистратура студенттерінің жобалары мен диссертациялық зерттеулеріне жетекшілік ету.
• Өзінің мамандану саласы бойынша бірегей ғылыми зерттеулер жүргізу. Зерттеу нәтижелерін беделді ғылыми журналдарда жариялау және ғылыми конференцияларда таныстыру.
• Университеттің саясаты мен рәсімдерінің сақталуын қамтамасыз ету. Оқу модульдерін бағалау және студенттердің пікірлерін талдау сияқты білім сапасын қамтамасыз ету үдерістеріне қатысу.
• Өзінің мамандану саласындағы соңғы жаңалықтарды, үрдістерді және ғылыми зерттеулердің нәтижелерін тұрақты түрде қадағалау.

Біліктілігі мен жұмыс тәжірибесіне қойылатын талаптар

• Тиісті академиялық бағыт бойынша магистр дәрежесінің немесе оған теңестірілген біліктіліктің болуы. Ұлыбритания университетінде алған біліктілікке басымдық беріледі.
• Докторлық дәреженің (PhD) болуы. Ұлыбритания университетінде алған дәрежеге басымдық беріледі.
• Ұлыбританияда тиісті пәндік бағыт бойынша бакалавриат және магистратура деңгейлерінде кемінде үш жылдық расталған оқытушылық тәжірибенің болуы.
• Қызықты әрі тиімді дәрістер, семинарлар және практикалық сабақтар өткізе білу. Инновациялық оқыту әдістері мен оқу материалдарын әзірлеу және қолдану дағдыларының болуы.
• Бірегей ғылыми зерттеулерді әзірлеу және жүргізу, деректерді талдау, зерттеу нәтижелерін жариялау қабілеттерін қамтитын жоғары деңгейдегі зерттеу дағдылары.
• Оқыту мен білім алу сапасын арттыруға ықпал ететін ғылыми-зерттеу және академиялық қызметке қатысу.
• Ауызша және жазбаша коммуникация дағдыларының жоғары деңгейде болуы, күрделі ақпаратты студенттер мен әріптестерге түсінікті әрі тиімді жеткізе білу.

Лауазымның мақсаты

Қабылдау бөлімінің басшысы өтініш беруден бастап оқуға қабылдауға дейінгі үдерістің тиімді, белгіленген талаптарға сәйкес және талапкерлерге бағдарланған түрде жүргізілуін қамтамасыз ете отырып, бөлімнің жұмысына басшылық етеді және оны үйлестіреді. Сондай-ақ бұл лауазым үдерістерді үздіксіз жетілдіруді және университет бөлімшелері арасындағы тиімді ынтымақтастықты дамытуды көздейді.

Негізгі лауазымдық міндеттері

• Қабылдау бөлімі қызметкерлерінің жұмысына басшылық жасау және бақылау, жұмыс жүктемесінің басымдықтарын тиімді белгілеуді, міндеттердің нақты бөлінуін және барлық сұрау салулардың қызмет көрсету деңгейі туралы ішкі келісімдерге (SLA) сәйкес уақтылы қаралуын қамтамасыз ету. Міндеттердің басымдығын олардың шұғылдығы мен операциялық маңыздылығына қарай айқындау.
• Жаңа қызметкерлерді жұмысқа бейімдеу, сынақ мерзімінің қорытындысы бойынша бағалау, жеке кездесулер мен қызмет нәтижелерін бағалауды өткізу, сондай-ақ Қабылдау бөлімі қызметкерлеріне тұрақты тәлімгерлік қолдау көрсету және олардың кәсіби дамуына ықпал ету секілді тікелей басшының барлық функцияларын орындау.
• Талапкерлермен және жаңадан қабылданған студенттермен жүргізілетін коммуникацияны басқару, жергілікті және университет тобы деңгейіндегі барлық хабарламалардың әртүрлі байланыс арналары арқылы түсінікті, нақты және уақтылы жеткізілуін қамтамасыз ету.
• Өтініш беруден бастап оқуға қабылдауға дейінгі толық қабылдау циклін бақылау және барлық үдерістердің тиімді, белгіленген талаптарға сәйкес әрі уақтылы жүргізілуін қамтамасыз ету. Бұл шетелдік студенттерді қабылдауға жауапты болуды және көші-қон мен өзге де нормативтік талаптардың толық сақталуын қамтамасыз етуді қамтиды.
• Жергілікті заңнама талаптарына сәйкес шетелдік студенттерді тіркеу және бейімдеу үшін қажетті университет құжаттарының дұрыс дайындалуын және уақтылы ұсынылуын қамтамасыз ету.
  Қызметкерлерге қабылдау саясаты, нормативтік талаптар, үдерістер мен рәсімдер бойынша сараптамалық кеңес беру және барлық институционалдық әрі реттеуші талаптардың толық орындалуын қамтамасыз ету.
• Қабылдау үдерістерінің үйлесімділігін, талаптардың айқындығын және бөлімдер арасындағы жұмыс үдерістерінің тиімділігін қамтамасыз ету мақсатында академиялық қызметкерлермен және әкімшілік бөлімшелермен тығыз ынтымақтастық орнату. Барлық институционалдық жиналыстарда, жұмыс топтарында және басқару мәселелері жөніндегі талқылауларда бөлім атынан өкілдік ету.
• Қабылдау жүйелері мен үдерістері бойынша қызметкерлерге арналған оқыту бағдарламаларын әзірлеу және өткізу, операциялық тәжірибенің бірізділігі мен жоғары сапасын қамтамасыз ету.
• Қабылдау мәселелері бойынша басқарушылық ақпаратты дайындау, деректерді талдау және шара қабылдауды қажет ететін негізгі үрдістер мен мәселелерді анықтау үшін тиісті есептілік құралдарын пайдалану.
• Талапкерлер мен жаңа студенттерге әртүрлі байланыс арналары арқылы нақты ақпарат, кеңес және қолдау көрсете отырып, оларға жоғары сапалы қызмет көрсетілуін қамтамасыз ету.
• Дербес деректерді қорғау, мүгедектігі бар адамдарды кемсітуге жол бермеу, тең мүмкіндіктерді қамтамасыз ету, Prevent бағдарламасы, көші-қон қағидалары және басқа да қолданылатын талаптарды қоса алғанда, барлық тиісті заңнама мен нұсқаулықтарды сақтау және олардың орындалуына ықпал ету.
• Студенттердің практикадан өтуіне қатысты барлық іс-шараларға басшылық жасау және оларды үйлестіру, студенттермен, академиялық бөлімдермен және балабақшалар мен мектептер сияқты сыртқы серіктестермен жұмыс істеу, соның ішінде серіктестік аясындағы іс-шараларды ұйымдастыру.
• Үшінші тараптармен жасалатын барлық келісімдерді әзірлеуге, қайта қарауға және өзекті күйде ұстауға жауапты болу, олардың дұрыстығын, белгіленген талаптарға сәйкестігін және университеттің ішкі талаптарымен үйлесімділігін қамтамасыз ету.
• Қабылдауға қатысты барлық мәселелер бойынша университеттің жоғары басшылығы мен сыртқы мүдделі тараптар үшін негізгі байланыс тұлғасы ретінде әрекет ету, нақты коммуникацияны және қажет болған жағдайда мәселелердің уақтылы жоғары деңгейге жеткізілуін қамтамасыз ету.
• Қабылдау бөлімінің басқа бөлімшелермен өзара іс-қимылын үйлестіру, бөлімнің атынан өкілдік ету және тиімді кросс-функционалдық ынтымақтастықты қамтамасыз ету.
• Қабылдау бөлімінің электрондық поштасының жұмысын бақылау және басқару, міндеттердің тиімді бөлінуін, жауаптардың уақтылы берілуін және барлық байланыс арналары бойынша жоғары қызмет көрсету стандарттарының сақталуын қамтамасыз ету.
• Университет басшылығымен және академиялық қызметкерлермен бірлесіп, университеттің мемлекеттік білім беру гранттарына қатысты үдерістеріне басшылық жасау, қолданыстағы нормативтік талаптардың сақталуын, құжаттардың дұрыс әкімшілендірілуін және барлық үміткерлермен әрі олардың заңды өкілдерімен тиімді коммуникацияны қамтамасыз ету.
• Мемлекеттік білім беру гранттары мәселелері жөніндегі WhatsApp тобының жұмысына қатысу, Қазақстан Республикасының Ғылым және жоғары білім министрлігімен және басқа да уәкілетті органдармен өзара іс-қимылды үйлестіру, сондай-ақ мемлекеттік білім беру гранттарына қатысты барлық қажетті құжаттарды уақтылы әрі дұрыс дайындау, тексеру және ұсыну.
• Гранттар беру жөніндегі комиссияның және Мемлекеттік білім беру гранттары жөніндегі комиссияның хатшысы қызметін атқару: екі комиссияның да жұмысын үйлестіру, құжаттар мен отырыстардың күн тәртібін дайындау, ресми құжаттар мен хаттамаларды жүргізу, сондай-ақ гранттар беру жөніндегі шешімдер мен үдерістердің тиімді әкімшілендірілуін қамтамасыз ету.
• Қабылдау жөніндегі маманмен бірлесіп, қабылдау үдерістері мен әкімшілік рәсімдерді талдау, әзірлеу және үздіксіз жетілдіру, операциялық тиімділікті, қызмет көрсету сапасын және университеттің ішкі талаптарының сақталуын қамтамасыз ету.

Біліктілік пен жұмыс тәжірибесіне қойылатын талаптар

• Жоғары білім беру саласындағы қабылдау үдерістері бойынша жұмыс тәжірибесі.
• Көшбасшылық және команданы басқару дағдыларының жоғары деңгейі.
• Қабылдау саясатын, сәйкестік талаптарын және тиісті заңнаманы жақсы білу.
• Жоғары деңгейдегі коммуникативтік және клиенттерге қызмет көрсету дағдылары.
• Жоғары ұйымдастырушылық қабілет және бірнеше міндетті бір уақытта тиімді орындау дағдысы.
• Деректерді талдау және түсінікті есептер дайындау қабілеті.
• Академиялық және әкімшілік бөлімдермен тиімді ынтымақтастық орнату дағдылары.
• Үдерістерді үздіксіз жетілдіруге және қызмет көрсетудің жоғары стандарттарын сақтауға ұмтылу.